आज म मान्छेको सोचाईमा पापहरु के हो यस बारे होइन तर धर्म शास्त्र बाईबलमा लिखित पापहरु के के हुन् भनेर बताउन गैइ रहेको छु ! तपाईलाई बिश्वास नलाग्ला पनि सक्ला तर यो सत्य हो - बाल्यकाल देखि लिएर यो आधा उमेर बितिन्जल सम्म मलाई थाहा थिएन कि पाप के हो भनेर ? यति चै थाहा थियो मान्छे मार्नु पाप हो ! तर जब मैले बाईबल पडे त्यहाबाट थाहा लाग्यो पाप के हो रहेछ भनेर ? हुन सक्ला जसरी मलाई मेरो आधा उमेर बिति सक्दा पनि पाप के हो भन्ने कुरा थाहा थिएन सायद तपाईलाई पनि धर्म शास्त्र अनुसारको पाप के के हो थाहा न हुन पनि सक्ला यसैले स्वर्ग पृथ्वी अनि मान्छे जातिलाई सृष्टी गर्नु हुने पर्मेश्वरको नजरमा पाप के हो अनि कसरी पापको शुरुवात भयो त्यो छोटकरीमा बताउन चाहान्छु !

             कथा धेरै लामो छ तर छोटकरीमा भन्न पर्दा पवित्र धर्म शास्त्र बाईबलमा लेखिएको छ कि पर्मेश्वरले पृथ्वीको माटोबाट मानिस बनाउनु भयो अनि त्यो मानिसको नाकमा पर्मेश्वरले आफ्नु सास फुकि दिनु भयो र त्यो माटोले बनाएको मानिस जिवित भयो अनि त्यो पहिलो मानिसलाई पर्मेश्वरले आदम नाँउ दिनु भयो अनि त्यस पछि आदमको निम्ती सहयोगि एउटी स्त्री बनाउनु भयो जसको नाँउ पर्मेश्वरले हवा राखि दिनु भयो अनि यी आदम अनि हवा सारा मानिस जातिका पहिलो पिता अनि माता थिए या भनौ यस पृथ्वीको पहिलो पुरुष र पहिलो नारी थिए जस द्वारा यस पृथ्वीमा आकाशका तारा अनि समुन्दरको बालुवा झै अनगिनत मानिसको सँख्या दिनहुँ बडदै गए जुन सँख्यामा तपाई अनि म पनि पर्छौ ! 

            स्रुष्टीकर्ता पर्मेश्वरले आदम अनि हवा यानि कि पुरुष अनि स्त्री बनाई सके पछि यी दुईलाई अदनको बगैचामा राख्नु भयो अनि तिनीहरुलाई एउटा आज्ञा दिनु भयो ! तिमिहरुले आहारको निम्ति यो बगैचामा भएको सबै फलहरु खान् सक्छौ तर यो एउटा रुखको फल चै न खानु यदि तिमीहरुले खायौ भने तिमिहरु मर्नेछौ भनेर आज्ञा गर्नु भएको थियो ! तर अभाग्यबश त्यी दुवैले त्यहि फल खाई दिए जसको फल नखानु भनेर पर्मेश्वरले आज्ञा दिनु दिनु भएको थियो अनि पर्मेश्वरले दिएको यो आज्ञा तोडनु नै पाप हो  यसरी नै मानव जातिको पहिलो पुरुष अनि स्त्री द्वारा पापको शुरुवात भयो अनि मानिस जाति पर्मेश्वर स्रुष्टीकर्ताको नजरमा पापी भए अनि त्यस पछि ती दुइबाट जन्मेको सन्तानको रगतमा नै पिता आदमको पापी रगत भएको हुनाले आदम हवा पछिका हरेक नानीहरु जन्मदा नै पापमा जन्मेको हुन्छ जस मध्ये म अनि तपाई पनि पर्छौ ! वास्तवमा त्यो दुधे बालकले पाप त गरेको हुँदैन तर त्यो बालकको शरीरमा जुन रगत छ त्यो उनै पहिलो पुरुष आदमको पापी रगत भएको कारणले त्यो दुधे बालक आमाको गर्भबाट बाहिर आँउदा नै पापी रगत लिएर आएको हुन्छ यसैकारण हाम्रो पाप क्षमा हुन अति नै आवश्यक हुन्छ् !